2020-2025 jyldarǵa arnalǵan «Nurly jer» memlekettik baǵdarlamasy sheńberinde bul maqsatqa bıyl respýblıkalyq bıýdjetten 111,5 mlrd.teńge bólý kózdelgen. Ol qarajat 316 jobany iske asyrýǵa jumsalady. Nátıjesinde halyqtyń sýmen jabdyqtaý qyzmetterine qoljetimdiligi qalalarda 97,5% jetip, 10,53 mln adamdy qamtıdy. Al aýyldyq jerlerde 87,7% nemese 6,84 mln adamǵa jetkizý josparlanǵan. Qalalardaǵy aǵyndy sýlardy tazartý deńgeıi 74,9% jetedi.
Osy oraıda eske sala keteıik, 2019 jyly bul baǵytta 404 joba iske asyrylyp, 4078 aýyl sýmen qamtyldy.
Qazirgi ýaqytta respýblıka boıynsha aýyz sýǵa qoljetimdilik kórsetkishiki 92,6% quraıdy.
